तथ्यांकमा काेराेना भाइरस नेपालमा काेराेना भाइरस
निको भएका संक्रमित मृत्यु निको भएका संक्रमित मृत्यु
12,418,520 19,339,299 719,152 15,814 22,214 70
Update:9:15PM, August 7 2020(https://www.worldometers.info )
  • गृहपृष्ठ
  • १७ वटा जलविद्युत आयोजनाको विद्युत उत्पादन खेर गयो, प्रवर्धको लगानी पानीमा बग्दै

१७ वटा जलविद्युत आयोजनाको विद्युत उत्पादन खेर गयो, प्रवर्धको लगानी पानीमा बग्दै

Jul 31st, 2020

आधारभूमि संवाददाता

काठमाडौं, साउन १६

प्रसारणलाइन नभएका कारण अहिले १७ वटा जलविद्युत आयोजनाको विद्युत खेर गइरहेको छ । विद्युत खेर गएपछि जलविद्युतमा प्रवर्धहरुको लगानी अहिले पानीसँगै बगेर गइरहेको छ ।

सोलुखुम्बुमा सोलु खोला जलविद्युत आयोजनाको १७ मेगावाट विद्युत चैतबाट खेर गइरहेको छ । १ सय ३२ केभीको सोलु कोरिडोरको निर्माण नसकिएकाले सोलु खोलाको विजुली राष्ट्रिय प्रसारणलाइनमा जोडिएको छैन ।

दोखलामा २५ मेगावाटको सिंगटी खोला जलविद्युत आयोजना सम्पन्न भएपनि उसले १ सय ३२ केभीको सिंगटी– लामोसाँघु प्रसारण लाइन नबनेकाले व्यावसायिक उत्पादन थालेको छैन । प्रसारण लाइनको समस्याले १३ दशमलव ६ मेगावाटको थापाखोला, ५ मेगावाटको पिखुवा खोला, ४ मेगावाटको सभा खोला, ४ दशमलव ४ मेगावाटको हेवा खोला र ३ मेगावाटको पिलुवाखोला पनि पूर्ण क्षमतामा चलेका छैनन् ।

निजी क्षेत्रको लगानीमा अहिले करिब २८ सय मेगावाटका जलविद्युत आयोजना निर्माणाधिन छन् । प्राधिकरणले नै बनाइरहेको ४ सय ५६ मेगावाट क्षमताको माथिल्लो तामाकोशी सम्पन्न हुने चरणमा छ ।

स्वदेशी आयोजनाको विद्युत खेर गइरहँदा प्राधिकरण भने भारतमा १५ सय मेगावाट बिजुली बेच्ने पूर्वाधार रहेको बताउँछ ।

अहिले रातको समयमा २ सय मेगावाट विद्युत खेर गइरहेको छ, माग बढाउन नसके एक वर्षपछि ६ सय मेगावाट विद्यूत खेर जाने प्राधिकरणकै प्रक्षेपण छ । तर सरकार विद्युतको खपत बढाउनेभन्दा विना पूर्वाधार बेच्ने सपनामा रमाइरहेको छ ।

अर्को कुरा भारतमा नेपालमा भन्दा सस्तोमा कोइलाबाट बिजुली उत्पादन भइरहेकाले त्यहाँ बेच्न सहज छैन । साथै बंगलादेशलाई भारतका साथै श्रीलंकाले विद्युत बेच्न खोजिरहेका छन् । त्यसैले नेपालका लागि बंगलादेश विद्युतको बजार हुनेमा आशंकै आशंका छ ।

सरकारले प्रचारबाजीमा रमाउनेभन्दा प्रसारणलाइन निर्माणलाई प्राथमिकता दिनुपर्ने देखिन्छ । साथै आन्तरिक खपत बढाउने योजना ल्याउन पनि ढिलो भइसकेको छ ।

मन्त्रिपरिषदको साउन ५ गतको बैठकले खपत भएर बढी भएको विजुली भारत र बंगलादेशमा बेच्नका लागि नेपाल विद्युत प्राधिकरणलाई पूर्वस्वीकृति दियो । सामान्यरुपमा हेर्दा विजुली बेचेर कमाउने निर्णय राम्रो हो । तर के यतिखेर नेपाल विद्युत बेच्न सक्ने अवस्थामा छ त ?