आधारभूमि संवाददाता
ललितपुर, १९ पुस
पञ्चेश्वरी बचत तथा ऋण सहकारी संस्थाले आफ्नो छैठौं साधारण सभा सम्पन्न गरेको छ । सभामा प्रमुख अतिथीका रुपमा महालक्ष्मी नगरपालिका वडा नं ५ का वडाध्यक्ष राजकुमार सिलवालको उपस्थिति रहेको थियो । अतिथीहरुमा महालक्ष्मी नगरपालिका वडा नं ७ का साधुराम श्रेष्ठ, नेपाल बक्सिङ संघका केन्द्रिय सदस्य प्रकाश थापामगर, अधिवक्ता प्रेम अधिकारी, समाजसेवी लक्ष्मी ज्योती बज्राचार्य, लगायत तिलकराम सापकोटा, हरीराम बुढाथोकीको उपस्थिति रहेको थियो ।
त्यस्तै सभामा १३औँ साग गेमका उसु खेलका स्वर्ण पदक विजेता निमा घर्तीमगर, करातेका कास्य पदक विजेता बिनोद शाक्यलाई प्रशंशा पत्र प्रदान गरिएको थियो । यसका साथै संस्थाले एसईई परिक्षामा उत्कृष्ट अकं ल्याउने छात्रा सजना के.सी र समिर महर्जनलाई सम्मान गर्नुका साथै संस्था भित्रका १० जना जेष्ठ नागरिकहरुलाई दोसल्ला ओढाएर सम्मान पनि गरेको थियो । हालसम्म ५ सय ४० जना सदस्य बनाई १७ लाख ३१ हजार रुपैयाँ निक्षेप संकलन गर्न सफल भएको संस्थाका कोषाध्क्षय निरञ्जन भण्डारीले जनाकारी दिए । सभाको सभापतित्व कृष्ण कुमार थापाले गरेका थिए ।
