काठमाडौं ,२१ जेठ
यूईएफए नेसन्स लिग फुटबलमा बेल्जियम नेदरल्यान्ड्ससँग पराजित भएको छ ।शुक्रबार राति भएको खेलमा नेदरल्यान्ड्सले बेल्जियमलाई ४–१ गोलले पराजित गरेको हो ।
नेदरल्यान्ड्सलाई जित दिलाउन मेम्फिस डिपेले दुई गोल गरे भने स्टीवन बर्गविजन र डेन्जेल डम्फ्रिजले एक-एक गोल गरे । बेल्जियमका मिची बत्शुवाईले एक गोल गरे ।
खेलको ४० औं मिनेटमा स्टीवन बर्गविजनले गोल गर्दै नेदरल्यान्ड्सलाई अग्रता दिलाएका थिए।
खेलको ५१ औं मिनेटमा मेम्फिस डिपेले गोल गर्दै नेदरल्यान्ड्सलाई २-० को अग्रता दिलाए।
खेलको ६१ औं मिनेटमा डेन्जेल डम्फ्रिजले गोल गर्दै नेदरल्यान्ड्सलाई ३-० को अग्रता दिलाए।
खेलको ६५ औं मिनेटमा मेम्फिस डिपेले व्यक्तिगत दोस्रो गोल गर्दै नेदरल्यान्ड्सलाई ४-० को अग्रता दिलाए।
खेलको इन्जुरी समयको तेस्रो मिनेटमा बेल्जियमका मिची बत्शुवाईले एक गोल फर्काएका थिए ।
त्यसपछि बाकी समयमा कुनै गोल हुन सकेन र नेदरल्यान्ड्सले जित निकालेको हो ।
जितसँगै लिग (ए) समूह ४ मा रहेको नेदरल्यान्ड्सले एक खेलबाट तीन अंक जोडेको छ ।पराजित बेल्जियम अंक बिहिन पुछारमा छ ।
