काठमाडौं, चैत २२
नेकपा (माओवादी केन्द्र) ले इलाम–२ को आसन्न उपनिर्वाचनमा उम्मेदवार नउठाउने निर्णय गरेको छ । माओवादीले नेकपा (एमाले) का उम्मेदवार सुहाङ नेम्बाङलाई समर्थन गर्ने निर्णय गरेको माओवादी केन्द्र कोशी प्रदेशका अध्यक्ष हर्क नेम्वाङले बताए ।
एमालेको उम्मेदवारलाई सघाउनेबारे शीर्ष नेतृत्वको सहमति भएको जानकारी आएको छ । माओवादीले इलाम–२ को उपनिर्वाचनमा धिरेन्द्र शर्मालाई उम्मेदवार बनाउने तयारी गरेको थियो ।
अन्ततः माओवादीले एमालेकै उम्मेदवारलाई सघाउने निर्णय गरेको हो । इलाम–२ र बझाङ–१ (ख)मा आगामी वैखाश १५ गते उपनिर्वाचन हुँदैछ ।
