ललितपुर, चैत २१
नेकपा एमाले ललितपुरको नवौ अधिवेशन यही चैत्र २३ गतेदेखि २५ गतेसम्म हुने तालिका सार्वजनिक भएको छ । अधिवेशनको शुभारम्भ पार्टी अध्यक्ष केपी शर्मा ओलीले गर्ने बताइएको छ । अधिवेशनमा करिव ५ सय जना प्रतिनिधि सदस्यले नयाँ नेतृत्वको लागि मतदान गर्दैछ ।
ललितपुरको महालक्ष्मी नगरपालिका इमाडोलको आँगन पार्टी प्यालेसमा जिल्लाको ऐतिहासिक ९ औं अधिवेशन भव्य र सभ्यतापूर्वक सम्पन्न गर्न जिल्ला अध्यक्ष पुरुषोत्तम आचार्यको संयोजकत्वमा ४७५ सदस्यीय मुल ब्यवस्थापन समिति गठन भएको छ ।
कम्युनिष्ट आन्दोलनको पृष्ठभूमि र इतिहाँस सम्झने र भावी पुस्ताको लागि पनि ललितपुरको कम्युनिष्ट आन्दोलन प्रेरणाको स्रोत भएको उनको भनाई छ ।
नेकपा एमालेले पार्टी प्रतिनिधिसँग शुल्क उठाएर जिल्ला अधिवेशनको खर्च जुटाउने अध्यक्ष आचार्यले जानकारी दिए ।
