ललितपुर, पुस ५
प्रहरीले ललितपुरको ठेचोबाट चोरीको स्कुटरसहित एक जना पक्राउ गरेको छ । गोदावरी नगरपालिका १२ ठेचोस्थित हिरानाथ महर्जनले सञ्चालन गरेको पसलभित्र पार्किङ गरी राखिएको बा ५८ प २३१८ नम्बरको स्कुटर, हेल्मेट, नगदलगायत अन्य धनमाल चोरी गरेको अभियोगमा सिन्धुपाल्चोक बाह्रबिसे नगरपालिका २ कर्थली घर भई ललितपुर गोदावरी नगरपालिका १२ ठेचोमा डेरा गरी बस्ने २२ वर्षीय आमोस तामाङलाई बुधबार पक्राउ गरेको हो ।
चोरी घटनाको अनुसन्धान गर्ने क्रममा ठेचोमा उनलाई फेला पारी सोधपुछ गर्ने क्रममा उनले उक्त स्कुटर गत मंसिर १५ गते चोरी गरेको खुल्न आएपछि उनलाई प्रहरीले पक्राउ गरेको हो । साथै, उनले बागमती एएए ६४५१ नम्बरको स्कुटरसमेत काठमाडौंबाट चोरी गरी आफू बस्ने ठाउँमा पार्किङ गरी राखेको खुल्न आएको छ ।
ललितपुर जिल्ला अदालतबाट ७ दिनको म्याद थप गरी बिस्तृत अनुसन्धान कार्य भईरहेको जिल्ला प्रहरी परीसर ललितपुरले जनकारी दिए ।
