ललितपुर, मंसिर १७
ललितपुर महनगरपालिका वडा नं. १४ मा लैङ्गिक हिंसा विरुद्धकाे १६ दिने अभियानका अवसरमा प्रभातफेरी कार्यक्रम हिजो सम्पन्न भएको छ । ललितपुर महानगरपालिका वडा नं. १४ काे बालअधिकार समिति र विभिन्न संघ संस्थाहरुकाे संयुक्त आयोजनामा सम्पन्न भएको लैङ्गिक हिंसा अन्त्यको सुनिश्चितताः महिला र बालबालिकामा लगानीको ऐक्यबद्धता’भन्ने नाराका साथ सुरु भएको लैंगिक हिंसा विरुद्धको १६ दिने अन्तर्राष्ट्रिय अभियानमा उक्त कार्यक्रम गरिएको हो ।
साे कार्यक्रममा वडा नं. १४ का वडा अध्यक्ष अमृतजंग महतले लैङ्गिक हिंसा विशेष महिलाहरूमा हुने बताउँदै, म कुनै पनि हिंसा गर्दिन र सहदिन तर्सथ महिला हिंसा कम गर्न महिलाहरूलाई आर्थिक, शैक्षिक, सामाजिक र राजनीति रुपमा सक्षम बनाउन सवैले आ-आफ्नो ठाउँवाट पहल गरेपछि समाजमा महिला हिंसा अन्त्य हुने´ बिषयमा जाेडदिदै मन्तव्य राख्नु भयो ।
उक्त कार्यक्रममा विभिन्न चित्रकला प्रदर्शनी, लैङ्गिक हिंसा सम्बन्धी नाटक र याे अभियानमा एक्यवद्धता स्वरुप हस्ताक्षर संकलन गर्दै सुरु भएको कार्यक्रममा यस वडा भित्र रहेका विभिन्न सामुदायिक तथा संस्थागत विद्यालयका विद्यार्थी, सामाजिक संघ संस्थाहरू, सामुदायिक प्रहरी, सराेकारवाल महानुभावहरु र जनप्रतिनिधिहरूकाे पहलमा याे कार्यक्रम संचालन भएको थियाे । याे कार्यक्रमकाे संयाेजन वडा सदस्य तथा बाल अधिकार समितिका संयोजक संगीता अछामीले गर्नुभएको थियो ।
यस प्रकारका कार्यक्रमहरूले समाजमा जागरूकता बढाउने र विशेष रूपमा महिलाहरू र बालबालिकाहरूलाई सुरक्षित बनाउने भएकोले याे १६ दिने अभियानकाे महत्त्व रहेको कुरा समेत याे कार्यक्रमका अवसरमा राख्नु भएको थियाे ।
