काठमाडाै १० मंसिर
बाल यौन दुव्र्यवहारका घटनाले पनि समाजलाई डरलाग्दो अवस्थातर्फ डोर्याएको छ । विगत एक वर्षमा भएका हिंसाका घटना केलाउँदा दैनिक ६ बालबालिकामाथि यौन हिंसा हुने गरेको पाइन्छ । प्रहरीको तथ्यांकअनुसार एक वर्षमा भएका तीन हजार ४०३ यौनजन्य हिंसाका पीडितमध्ये ६३.८ अर्थात् दुई हजार १७२ बालिका छन् ।जसअनुसार दैनिक ६ बालबालिकामाथि यौन हिंसा हुने गरेको छ ।
१० वर्षभन्दा कम उमेरका तीन सय ७५ बालबालिका एक वर्षको अवधिमा यौनजन्य हिंसामा परेका छन् । त्यस्तै, ११ देखि १६ वर्ष उमेरका एक हजार तीन सय ९३ तथा १६ देखि १८ वर्ष उमेरका चार सय चारजना रहेको प्रहरीले जनाएको छ ।
यौनहिंसाको चपेटामा बालकहरु पनि परेका छन् । एक वर्षमा ३३ जना बालक यौन हिंसाको सिकार भएका छन् । प्रहरीका अनुसारख पीडक चाँही १९ देखि २५ वर्ष उमेरका धेरै छन् । तीन हजार ६ सय ७८ पीडकमध्ये एक हजार दुई सय ४८ जना सो उमेर समूहका छन् । २६ देखि ३५ वर्ष उमेर समूहका नौ सय ४२ जना पीडक प्रहरीको तथ्यांकामा समेटिएका छन् ।
त्यसै गरी बालयौन दुव्र्यवहारका ३४३, अप्राकृतिक मैथुनका ३५, बहुविवाहका ७२३, बालविवाहका ५२, बोक्सी आरोपका ४३, अवैध गर्भपतनका ३२, तेजाब प्रहारका तीन र जातीय छुवाछुतका २७ वटा घटना प्रहरीसमक्ष आएका छन् । ति घटनामा प्रहरीले मुद्दा दर्ता गरेको छ ।
