काठमाडौं, मंसिर ७
काठमाडौंको बल्खुमा मेडिकल व्यवसायी दुर्गा प्रसाईंले बिहीबार आयोजना गरेको सभाका क्रममा झडप भएको छ । झडपमा दुईजना घाइते भएका छन् । प्रसाईं पक्ष र प्रहरीबीच झडप भएको हाे।
बिहीबार दिउँसो प्रदर्शनकारीहरू बल्खु चोकबाट कुलेश्वरतर्फ जान खोजेपछि प्रहरीले बल प्रयोग गरेको हो। प्रहरी र प्रदर्शनकारीबीच धकेलाधकेल भएको छ।
घाइतेलाई उपचारका लागि बल्खुस्थित बयोधा अस्पतालमा लगिएको छ ।
प्रसाईंका समर्थकले बल्खुमा पार्किङ गरेर राखिएका मोटरसाइकलहरू लडाएका थिए ।
एमालेको युवा संगठन युवा संघका कार्यकर्ताले ढुंगा हानेको उनीहरूको आरोप छ । त्यस्तै, आफूहरूको मोटरसाइकल र्यालीमाथि अर्को समूहले ढुंगामुढा गरेको एमाले समर्थकले आरोप लगाएका छन् ।
