काठमाडौं २६ असोज
इजरायल युद्धबाट प्रभावित २५३ जना नेपाली विद्यार्थीहरु बिहीबार नेपाल आएका छन् भने २०० नेपाली उद्धारको पर्खाइमा छन् । नेपालबाट इजरायल गएको नेपाल एयरलाइन्सको जहाज गएराति ति नेपालीलाई लिएर काठमाडौंमा अवतरण गरेको थियो ।
इजरायलमा २०० नेपालीले नेपाल फर्कन निवेदन दिएको राजदूतावासले जनाएको छ । उनीहरूलाई पनि छिट्टै नेपाल पठाउने तयारी गरिएको छ । प्यालेस्टिन चरमपन्थी समूह हमास र इजरायलबीच शनिबारदेखि युद्ध चर्किदा इजरायलमा रहेका नेपालीहरु असुरक्षित महशुस गरी नेपाल फर्कन चाहेका हुुन् ।
इजरायलका उच्चस्तरीय निकायका पदाधिकारीहरूलाई हराइरहेका एक नेपाली विद्यार्थीको खोजी कार्यमा तीब्रता दिन पुनः अनुरोध गरिएको समेत दूतावासले जनाएको छ ।
दूतावासद्वारा जारी विज्ञप्तिमा प्रहरी, अस्पताललगायत सम्भाव्य सम्पूर्ण माध्यमहरूको सदुपयोग गरी उनको खोजी कार्यलाई अझै तीब्र पारिएको उल्लेख छ ।
द्वन्द्वग्रस्त इजरायलबाट नेपाल फर्कन २०० जनाले तेल अभिभस्थित नेपाली दूतावासमा दिदै आफूहरूलाई छिट्टै नेपाल फर्काउन आग्रह गरेका छन् । राजदूतावासबाट सुरु गरिएको अनलाइन रजिष्ट्रेसनमा विवरण प्राप्त हुने क्रम जारी छ ।
हमासले शनिबार इजरायलमा अचानक आक्रमण गर्दा १० नेपाली मारिएका थिए भने चारजना घाइते भएका थिए । एक नेपाली अझै सम्पर्कविहीन छन् ।
