ललितपुर, असाेज २३
कोन्ज्योसोम गाउँपालिका ४ नल्लुमा चौथो राष्ट्रव्यापी कराँते प्रतियोगिता हुने भएको छ ।
पाथीभरा सो–क्योकुशिन कराँते डोजोको आयोजनामा नल्लु फुटबल ग्राउण्डमा यही आउँदो शुक्रवार र शनिवार डोजो खेलाडीको मनोबल बढाउने उद्देश्यका साथ सो प्रतियोगिता हुन लागेको हो ।
यस प्रतियोगितामा १३ जिल्लाका करिव ३०० खेलाडी सहभागी हुने छ ।
उक्त खेलमा प्रथम हुनेलाई रु १० हजार सहित चाँदीको मेडल दोस्रोलाई रु पाँच हजार सहित मेडल तथा तेस्रोलाई रु दुई हजार पाँच सय सहितको मेडल र चौथोलाई रु दुई हजार सहित मेडल प्रदान गर्ने निर्णय भएको आयोजक टिमले जानकारी गराएको छ ।
