काठमाडौँ १४ असाेज
चीनबाट फर्किए लगत्तै प्रधानमन्त्री पुष्पकमल दाहाल ‘प्रचण्ड’ले सात दलको बैठक बोलाएका छन् । नेपाली काँग्रेस, नेकपा एमाले र माओवादी केन्द्रका नेताहरूसँग आइतबार बिहान बालुवाटारमा छलफल गरेका प्रधानमन्त्री ‘प्रचण्ड’ले आजै सात दलका नेताहरुको बैठक बोलाएका हुन् ।
प्रधानमन्त्री ‘प्रचण्ड’ले न्युयोर्क र चीन भ्रमणका साथै आज दिउँसो एक बजे बोलाइएको संसद बैठकबारे नेताहरूसँग छलफल थालेका छन् । त्यसका लागि प्रमुख प्रतिपक्षी दल नेकपा एमालेका अध्यक्ष केपी शर्मा ओली, उपाध्यक्ष विष्णु पौडेल, सचेतक महेश बर्तौला बालुवाटार पुगेका छन् ।
