ललितपुर, साउन १६
ललितपुर महानगरपालिकाले एसईईमा उत्कृष्ट अंक ल्याउने विद्यालय तथा विद्यार्थीलाई नगदसहित समान्न गरेको छ । ललितपुर महानगरका प्रमुख चिरीबाबु महर्जन र उपप्रमुख मञ्जली शाक्य बज्राचार्यले मंगलबार उत्कृष्ट अंक ल्याउने विद्यालयलाई चार लाख र १४ जना विद्यार्थीलाई दुई लाखका दर नगदसहित सम्मानित गरेका हुन् ।
सो कार्यक्रममा ललितपुर महानगरका प्रमुख चिरिबाबु महर्जनले आफ्नो दोस्रो पटकको चुनावको जीतको खुसीको उत्सव महानगरपालिकाबाट जीपीए ४ ल्याएका विद्यार्थीहरूसँग मनाएको बताए । उनले ललितपुर महानगर शिक्षा क्षेत्रको हब भएको बताउँदै महानगरले शैक्षिक गुणस्तर सुधारको लागि धेरै काम गरेको बताए ।
उपप्रमुख मञ्जली शाक्य बज्राचार्यले सफल बन्ने र धनी बनाउने शिक्षा भन्दा खुशी र सीपयुक्त शिक्षामा महानगरले जोड दिएको बताइन् ।
४ जीपीए ल्याउने स्कुलहरु जेम्सबाट ८ , सेन्टमेरिजबाट १ , नाईटिङ्गेलबाट २, डिएभीबाट १, लिटल एन्जेल्सबाट १ र ब्राईट फ्यूचर स्कुलबाट १ जनाले उत्कृष्ट अंक ल्याएका छन् ।
