काठमाडौँ १० साउन
लोक सेवा आयोगको तयारी कक्षा पढाउने निजामती कर्मचारीहरूलाई संघीय मामिला तथा सामान्य प्रशासन मन्त्रालयले स्पष्टीकरण सोधेको छ ।
कर्मचारीहरू कार्यालय समयमा तयारी कक्षा पढाउन गएको र त्यसले सेवा प्रवाहमा असर परेको भन्दै अख्तियारमा उजुरी परेको थियो । मन्त्रालयले अख्तियार दुरुपयोग अनुसन्धान आयोगको निर्देशनका आधारमा ५० भन्दा बढी कर्मचारीहरूसँग विवरण मागेको हो ।
उजुरीका आधारमा ‘यथार्थ छानबिन गर्नू’ भनी मन्त्रालयमा पत्र पठाइएको आयोगले जनाएको छ ।
संघीय मामिला तथा सामान्य प्रशासन मन्त्रालयले राजधानीका विभिन्न इष्टिच्युटहरुमा पढाउने ५० जनाभन्दा बढी कर्मचारीलाई स्पष्टीकरण सोधेको हो ।
अख्तियारले पठाएको सूचीमा संवैधानिक निकायका बहालवाला पदाधिकारीहरूदेखि सचिव, सहसचिव लगायतका कर्मचारी रहेका छन् ।
