काठमाडौं २६असार
लुक्लाबाट काठमाडौंका लागि उडेको मनाङ एयरको हेलिकप्टर सम्पर्कबिहीन भएको छ । मंगलबार बिहान १० बजे लुक्लाबाट उडेको हेलिकप्टर सवा १० बजे सम्पर्कबिहीन भएको त्रिभुवन विमास्थलका प्रवक्ता टेकनाथ सिटौलाले जनाएका छन् ।
हेलिकप्टरमा नेपाली पाइलट र पाँच जना विदेशी नागरिक छन् । उनका अनुसार मनाङ् एयरको हेलिकोप्टर सम्पर्कबिहीन रहेको जानकारी आएकोले खोजी जारी छ । हराएको हेलिकप्टर खोज्न अहिले अल्टिच्युड एयरको हेलिकप्टर परिचालन गरिएको छ ।