ललितपुर, असार २२
ललितपुरको जावलाखेलस्थित चिडियाखानामा छाडिएका रूखका मुढामा जनावरका आकृति कुँदिदै छ।
देशका विभिन्न क्षेत्रका कलाकारहरुद्वारा काठहरुमा कलाको माध्यमबाट ‘सेभ द एनिमल्स’ नामक सन्देश दिने उद्देश्यले कला प्रस्तुत गरिने भएकाे छ । कलाकार बिभुसन ताम्राकारको नेतृत्वमा उक्त आकृति कुंदने काम भैइरहेकाे छ ।
चिडियाखानाका काठलाई उपयोग गर्दै यसरी कलाकृति बनाउने कामको योजना सुरूमा तीन कलाकारबाट भएको थियो। ती कलाकार हुन् विभुषण ताम्राकार, राजन महर्जन र विकास शाक्य रहेकाे छ ।
हालसम्म मकर गोही, हात्तीको टाउको, लाटोकोसेरो र गिद्धको टाउको बनाइंदैछ भने अरु विभिन्न आकृति कुंदने काम जारी रहेको छ ।
त्यहाँ काठको आकारअनुसार कुन पशुपन्छीया जनावर बनाउन सकिन्छ सोही अनुसार बनाउने गरिएको छ । आफ्नो व्यापार ब्यबसाय सबै छोडी बिना पारिश्रमिक सेवाको भावनाले सबै कलाकारहरु लागिरहनुभएको छ ।
