बैशाख २९, भक्तपुर
भक्तपुरको सूर्यविनायक नगरपालिकाका १२ सहकारी सञ्चालकहरु सहकारी सम्पर्क बाहिर रहेका छन् । सहकारी सञ्चालकहरुले बचतकर्ताको रकम हिनामिना गरी सम्पर्क बाहिर रहेको बताइएको छ । सूर्यविनायक निवासी रत्न राज सिल्पकार सहित आफ्ना ४ जना सदस्यहरुको २४ लाख रुपैयाँ बचत ग्रामिण उत्थान बहुउद्देश्यीय सहकारी संस्थाले बचत फिर्ता गर्न आलटाल गरेको छ । त्यस्तै सुमार्ग बचत तथा ऋण सहकारी लि.ले नवराज खड्काको १९,५१,७८४ रुपैया फिर्ता गर्न सकेको छैन । ग्रेड गंगा सागर बचत तथा ऋण सहकारी संस्था लि. ले श्याम सुन्दर खराजुको १६ लाख रुपैयाँ दिन नसकी संचालक कार्यालय आएका छैनन् । त्यस्तै शुभ बचत तथा ऋण सहकारीले विष्णु कोइरालाको ५ लाख पचास हजार, रमेश अधिकारीको १ लाख ४८ हजार, जनजीविका सहकारीले सुनिता जान्ेछेको ३७ हजार ८ सय बचत फिर्ता दिएको छैन ।
सहकारीहरुमा सम्पर्क बाहिर रहेका सहकारी संचालकहरु सूनपा २ को आर्थिक विकास बहुउद्देश्यीय सहकारी संस्था लि., हितैषी सहकारी पनि रहेका छन् । बशन्त बहुउद्देश्यीय सहकारीले भने बचत कर्ताहरुको बचत ठग्ने मनसायले सूर्यविनायक नगरपालिकामा दर्ता गरे पनिaनगदेशमा कार्यालय सञ्चालन गरेको पाइएको छ । सम्पर्क बाहिर हुने अन्य सहकारीमा सूमार्ग, डोकाथली, जुगल सहकारीले सदस्यहरुको बचत फिर्ता दिन नसकेका कारण बचत कर्ताहरुले सूर्यविनायक नगरपालिकामा उजूरी दिएका छन् । सहकारीमा बचत फिर्ता माग्ने घुइचोका कारण नगरपालिका कर्मचारी पनि आजित भएका छन् ।
सञ्चालकहरुले सहकारी ऐन, कानून, नीति नियम, सिद्धान्त विपरित सहकारी सञ्चालकहरुले मनोमानी ढङ्गले घर, जग्गामा लगानी गरी, घर जग्गा व्यापारीलाई १८ देखि २४ प्रतिशत ऋण दिएको र आफूखुशी आफ्ना नातेदार, प्रेमीकाका नाममा ऋण दिइ सञ्चालक आफैंले ऋण अपचलन गरी घर जग्गा, सवारी साधन खरीद गरेका कारण सहकारी समस्या आएको सहकारी विज्ञहरु वताउँछन् ।
