ललितपुर, बैशाख १४
सामाजिक सञ्जालमा सुसाइड नोट लेखेर नयन बहुउद्देश्यीय सहकारी संस्थाका अध्यक्ष केशव दाहाल सम्पर्कविहीन भएका छन् । ललितपुरको सातदोबाटोस्थित उक्त सहकारीका अध्यक्ष दाहालले फेसबुक पेजमा सुसाइड नोट लेखेका हुन् ।
सहकारीमा समस्या आउँदा अन्य सञ्चालकले असहयोग गरेको, कर्जाको भारले थेगिनसक्नु भएको भन्दै उनले उक्त अवस्था सिर्जना गर्नेहरुको फोटो र नाम नै उल्लेख गरेका छन् ।
स्टाट्समा पैसा तिर्न बाँकी सदस्य र रकम समेत उनले लेखेका छन् । यसअघि मंसिर ५ गते पनि दाहाल भक्तपुर जान्छु भन्दै सम्पर्कविहीन भएका थिए ।
