बैशाख १२ ललितपुर
ललितपुरको चापागाउँ स्थित कार्यालय रहेको हरियाली बचत तथा ऋण सहकारी संस्था लि.का अध्यक्ष नारायण देशार सम्पर्क विहिन भएका छन् । देशारले सहकारी सदस्यहरुको करीब पौने २ करोड बचत फिर्ता गर्न नसकेका कारण सम्पर्क विहिन भएका हुन ।
हरियाली बचत तथा ऋण सहकारी संस्था लि.का प्रबन्धक प्रकाश थापाले बताए अनुसार सदस्यका बचत फिर्ता गर्न नसक्नु मुख्य कारण सहकारीको लगानी घर जग्गामा हुनु र विश्वभर भएको आर्थिक मन्दीले गर्दा सदस्यहरुकोे बचत फिर्ता गर्न नसकेको हो थापाका अनुसार सदस्यको बचत फिर्ता हुन्छ भन्ने उनी नै विश्वस्त छैनन् । बैंकबाट ऋण पाउने स्थिति सहज भए पछि सबै सदस्यहरु र बचत कर्ताको रकम फिर्ता गर्दै जाने बताए ।
त्यस्तै, ललितपुर जिल्ला बचत सहकारी संघका अध्यक्ष रामहरि बजगाईका भन्छन् हाल विश्वभर आर्थिक मन्दी भएका कारण आर्थिक मन्दी भर धैर्य गर्न सहकारी सदस्यहरुसंग अपिल गरेका छन् । सहकारीले बचत फिर्ता गर्न सजह नहुने र हाल सदस्यहरुको बचत फिर्ता गर्न सम्भव नभएको बताए ।