काठमाडौं ,पौष ११
काठमाडौंको टोखा नगरपालिकामा गत असार देखि सिद्धी गणेश मन्दिरमा आरती गर्दै आउनु भएकी गोमा माताको आश्रमबाट भक्तहरुले चढाउदै गरेको भेटी नगद, चाँदी र तामाका सामाग्री गरी करीव ६ लाख ५० हजार रुपैयाँ बराबरको सामान समेत गत शुक्रबार राती १२ बजे चोरी भएको छ । गोमा माताले नेपाल भूमि र नेपाली जनताको सुख, शान्तीको लागि महायज्ञ लगाउन र सिन्धुपाल्चोकमा नाग देवताको मन्दिर स्थापना गर्नका लागि माताले आफ्ना भक्तहरुबाट सेवा गरे वापत भेटी संकलन गर्दै आउनु भएको थियो । उहाँ सरल स्वभावको र आफुमा दैवी शक्ति आएको भनी भक्तहरुको सेवा गर्दै आउनु भएको थियो ।
भक्तहरुको सहयोग गरेको भेटी रकम चोरी भएकोमा ज्यादै गोमा माता दुखित हुनुहुन्छ । चोरी हुने संकेत पाएर उहाँले पटक पटक नेपाल प्रहरी, टोखानगरपालिका वडा नं. ८ मा जानकारी गराउँदा समेत प्रहरी र वडा कार्यालयले बेवास्ता गरेको जानकारी आधारभूमिलाई गराउनु भयो ।
