काठमाडौं,मंसिर १५
पोल्याण्डलाई पराजित गर्दै अर्जेन्टिना कतारमा जारी फिफा विश्वकप २०२२ को अन्तिम १६ मा प्रवेश गरेको छ।बुधबार राति भएको खेलमा अर्जेन्टिनाले पोल्याण्डलाई २-० ले पराजित गर्दै अन्तिम १६ मा स्थान पक्का गरेको हो ।
अर्जेन्टिनालाई जित दिलाउन एलेक्सिस म्याक एलिस्टर र जुलियन अल्भारेजले एक -एक गोल गरे।
दोस्रो हाफको ४६ औं मिनेटमा एलेक्सिस म्याक एलिस्टरले गोल गर्दै टोलीलाई सुरुवाती अग्रता दिलाएका थिए । त्यसपछि खेलको ६७ औं मिनेटमा जुलियन अल्भारेजले गोल गर्दै अर्जेन्टिनालाई २-० को जित दिलाए ।
जितसंगै अर्जेन्टिना समूह (सी) को विजेता बन्दै तीन खेलबाट ६ अंक जोडेर अन्तिम १६ मा प्रवेश गरेको छ । पराजित पोल्याण्डले पनि तीन खेलमा ४ अंक जोडदै समूहको उपविजेता बन्दै अन्तिम १६ मा पुगेको छ।
