काठमाडौं,मंसिर १४
वेल्सलाई पराजित गर्दै इंग्ल्यान्ड कतारमा जारी फिफा विश्वकप २०२२ को अन्तिम १६ मा प्रवेश गरेको छ।मंगलबार राति भएको खेलमा इंग्ल्यान्डले वेल्सलाई ३-० ले पराजित गर्दै अन्तिम १६ मा स्थान पक्का गरेको हो ।
इंग्ल्यान्डलाई जित दिलाउन मार्कस रासफोर्डले दुई गोल र फिल फोडेन एक गोल गरे।
दोस्रो हाफको ५० औं मिनेटमा मार्कस रासफोर्डले गोल गर्दै टोलीलाई सुरुवाती अग्रता दिलाएका थिए । लगत्तै,५१ औं मिनेटमा फिल फोडेनले गोल गर्दै इंग्ल्यान्डलाई २-० ले अघि बढाए ।
त्यसपछि खेलको ६८ औं मिनेटमा मार्कस रासफोर्डले व्यक्तिगत दोस्रो गोल गर्दै इंग्ल्यान्डलाई ३-० को जित दिलाए ।
जितसंगै इंग्ल्यान्ड समूह (बी)को विजेता बन्दै तीन खेलबाट सात अंक जोडेको छ अन्तिम १६ मा प्रवेश गरेको छ । पराजित वेल्सले तीन खेलमा १ अंक जोडदै विश्वकपबाट बाहिरियो ।
