काठमाडौं,मंसिर १२
पोर्चुगल उरुग्वेलाई पराजित गर्दै कतारमा जारी फिफा विश्वकप २०२२ को अन्तिम १६ मा प्रवेश गरेको छ।सोमबार राति भएको खेलमा पोर्चुगलले उरुग्वेलाई २-० ले पराजित गर्दै अन्तिम १६ मा स्थान पक्का गरेको हो ।
पोर्चुगललाई जित दिलाउन ब्रुनो फर्नान्डेसले दुई गोल गरे।फर्नान्डेसले खेलको ५४ औं मिनेटमा गोल गर्दै पोर्चुगललाई सुरुआती अग्रता दिलाएका थिए ।
त्यसपछि खेलको इन्जुरी समयको तेस्रो मिनेटमा फर्नान्डेसले पेनाल्टीमा व्यक्तिगत दोस्रो गोल गर्दै पोर्चुगललाई २-० को जित दिलाए ।
जितसंगै पोर्चुगलले दुई खेलबाट ६ अंक जोडेको छ अन्तिम १६ मा प्रवेश गरेको छ ।पोर्चुगल समूह (एच)को शीर्ष स्थानमा छ । पोर्चुगलले यसअघि पहिलो खेलमा घानालाई हराएको थियो।पराजित उरुग्वेको दुई खेलमा १ अंक छ र पुछारमा छ ।
