काठमाडौं , २१ कार्तिक
इंग्लिस प्रिमियर लिग फुटबलमा एस्टन भिल्लाले म्यानचेस्टर युनाईटेडलाई पराजित गरेको छ। आइतबार राति भएको खेलमा एस्टन भिल्लाले युनाईटेडलाई ३-१ गोलले पराजित गरेको हो ।
घरेलु मैदानमा एस्टन भिल्लालाई जित दिलाउन लियोन बेली,लुकास डिग्ने र ज्याकब राम्सेले एक-एक गोल गरे ।
खेलको सातौं मिनेटमा एस्टन भिल्लाका लियोन बेलीले गोल गर्दै टोलीलाई अग्रता दिलाएका थिए ।
खेलको ११ औँ मिनेटमा एस्टन भिल्लाका लुकास डिग्नेले गोल गर्दै टोलीको अग्रता दोब्बर पारे ।
खेलको ४५ औँ मिनेटमा एस्टन भिल्लाका ज्याकब राम्सेले आत्मघाती गोल गरेपछि खेल २-१ को स्थितिमा पुग्यो।
त्यसपछि खेलको ४९ औं मिनेटमा एस्टन भिल्लाका ज्याकब राम्सेलेनै गोल गर्दै टोलीलाई ३-१ को जित दिलाए ।
जितसँगै एस्टन भिल्लाले १४ खेलबाट १५ अंक जोडेको छ र तालिकाको १३ औं स्थानमा छ ।पराजित युनाईटेडको १३ खेलबाट २३ अंक छ र तालिकाको पाँचौं स्थानमा छ ।
