काठमाडौं, २४ भदौं
इंग्लिस प्रिमियर लिग फुटबलमा आर्सनल शीर्ष स्थानमा उक्लिएको छ ।आइतबार राति भएको खेलमा आर्सनलले लिभरपुललाई ३-२ गोलले पराजित गर्दै शीर्ष स्थानमा उक्लिएको हो ।
एमिरेट्स स्टेडियममा आर्सनललाई जित दिलाउन बुकायो साकाले दुई गोल र गेब्रियल मार्टिनेलीले एक गोल गरे ।लिभरपुलका डार्विन नुनेज र रोबर्टो फर्मिनोले एक-एक गोल गरे ।
खेलको पहिलो मिनेटमै गेब्रियल मार्टिनेलीले गोल गर्दै आर्सनललाई सुरुवाती अग्रता दिलाएका थिए । खेलको ३४ औं मिनेटमा लिभरपुलका डार्विन नुनेजले गोल गर्दै खेल १-१ गोलको बराबरीमा ल्याए ।
पहिलो हाफको इन्जुरी समयमा आर्सनलका बुकायो साकाले गोल गर्दै टोलीलाई २-१ ले अघि बढाए।
दोस्रो हाफको ५३ औं मिनेटमा लिभरपुलका रोबर्टो फर्मिनोले गोल गर्दै खेल २-२ गोलको बराबरीमा ल्याए ।
तर,खेलको ७६ औं मिनेटमा आर्सनलका बुकायो साकाले पेनाल्टीमा व्यक्तिगत दोस्रो गोल गर्दै टोलीलाई ३-२ को जित दिलाए ।
जितसंगै आर्सनलले नौ खेलबाट २४ अंक जोडेको छ र शीर्ष स्थानमा उक्लिएको छ। पराजित लिभरपुलको आठ खेलबाट १० अंक छ र तालिकाको १० औं स्थानमा छ ।
