काठमाडौं, २४ भदौं
इंग्लिस प्रिमियर लिग फुटबलमा म्यानचेस्टर युनाईटेडले पुनरागमन जित निकालेको छ। आइतबार राति भएको खेलमा युनाईटेडले एभर्टनलाई २-१ गोल अन्तरले पराजित गरेको हो ।
गुडिसन पार्कमा युनाईटेडलाई जित दिलाउन एन्टोनी र क्रिस्टियानो रोनाल्डोले एक-एक गोल गरे । एभर्टनका एलेक्स इवोबीले एक गोल गरे ।
खेलमा पहिलो अग्रता भने एभर्टनले लिएको थियो।खेलको पाँचौं मिनेटमा एलेक्स इवोबीले गोल गर्दै टोलीलाई अग्रता दिलाएका थिए।
तर, खेलको १५ औं मिनेटमा युनाईटेडका एन्टोनीले गोल गर्दै खेल १-१ को बराबरीमा ल्याए ।
त्यसपछि खेलको ४४ औं मिनेटमा रोनाल्डोले गोल गर्दै टोलीलाई २-१ को जित दिलाए ।यससँगै रोनाल्डोले ७०० औं क्लब गोल पुरा गरेका छन्।
जितसँगै युनाईटेडले आठ खेलबाट १५ अंक जोडेको छ र तालिकाको पाँचौ स्थानमा छ ।पराजित एभर्टनको नौ खेलबाट १० अंक छ र तालिकाको १२औं स्थानमा छ ।