काठमाडौं, ११ असोज
मंगलबार थप ५४ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा तीन हजार ८२९ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या नौ लाख ९९ हजार ६५६ पुगेको छ ।
हालसम्म ५९ लाख ३४ हजार १११ जनाको पीसीआर परीक्षण गरिएको छ।हाल सक्रिय सङ्क्रमितको सङ्ख्या एक हजार १४४ रहेको छ ।
थप ७६ जना डिस्चार्ज
नेपालमा पछिल्लो २४ घण्टामा ७६ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या नौ लाख ८६ हजार ४९५ पुगेको छ ।
