काठमाडौं, २० भदौं
इंग्लिस प्रिमियर लिग फुटबलमा म्यानचेस्टर युनाईटेडले शीर्ष स्थानको आर्सनललाई पराजित गरेको छ। आइतबार राति भएको खेलमा युनाईटेडले आर्सनललाई ३-१ गोलले पराजित गरेको हो ।
ओल्ड ट्राफोर्डमा युनाईटेडलाई जित दिलाउन मार्कस रासफोर्डले दुई गोल गरे भने एन्टोनीले एक गोल गरे । आर्सनलका बुकायो साकाले एक गोल गरे ।
खेलको ३५ औं मिनेटमा एन्टोनीले गोल गर्दै युनाईटेडलाई सुरुवाती अग्रता दिलाएका थिए ।
दोस्रो हाफको ६० औं मिनेटमा आर्सनलका बुकायो साकाले गोल गर्दै खेल बराबरीमा फर्काए ।
तर, खेलको ६६ औँ मिनेटमा युनाईटेडका मार्कस रासफोर्डले गोल गर्दै टोलीलाई २-१ ले अघि बढाए।
त्यसपछि खेलको ७५ औं मिनेटमा रासफोर्डले व्यक्तिगत दोस्रो गोल गर्दै टोलीलाई ३-१ को जित दिलाए ।
जितसँगै युनाईटेडले छ खेलबाट १२ अंक जोडेको छ र तालिकाको पाँचौ स्थानमा छ ।पराजित आर्सनलको छ खेलबाट १५ अंक छ र तालिकाको शीर्ष स्थानमा छ ।
