काठमाडौं, १६ भदौ
फ्रेन्च लिग वान फुटबलमा पेरिस सेन्ट जर्मेन (पीएसजी) ले सहज जित निकालेको छ । बुधबार राति भएको खेलमा पीएसजीले टुलुजलाई ३-० गोलले पराजित गरेको हो ।
पीएसजीलाई जित दिलाउन नेमार,केलियन एमबाप्पे र जुआन बर्नाटले एक-एक गोल गरे । खेलको ३७ औं मिनेटमा नेमारले गोल गर्दे टोलीलाई अग्रता दिलाएका थिए। दोस्रो हाफको ५० औं मिनेटमा केलियन एमबाप्पेले गोल गर्दै टोलीलाई २-० ले अघि बढाए।
त्यसपछि खेलको ९० औं मिनेटमा जुआन बर्नाटले गोल गर्दै टोलीलाई ३-० को सहज जित दिलाए ।
जितसँगै पीएसजीले पाँच खेलबाट १३ अंक जोडेको छ र शीर्ष स्थानमा छ ।पराजित टुलुजको पाँच खेलबाट पाँच अंक छ र तालिकाको १३औँ स्थानमा छ ।
