आधारभूमि संवाददाता
काठमाडौं,१ जेठ
फ्रेन्च लिग वान फुटबलमा पेरिस सेन्ट जर्मेन (पीएसजी) ले सहज जित निकालेको छ । शनिबार राति भएको खेलमा पीएसजीले मोन्टपेलियरलाई ४-० गोलले पराजित गरेको हो ।
पीएसजीलाई जित दिलाउन लियोनल मेस्सीले दुई गोल गरे भने एन्जेल डि मारिया र केलियन एमबाप्पेले एक एक गोल गरे ।
खेलको छैटौं मिनेटमा लियोनल मेस्सीले गोल गर्दे टोलीलाई अग्रता दिलाएका थिए।खेलको २० औं मिनेटमा मेस्सीले व्यक्तिगत दोस्रो गोल गर्दै टोलीलाई २-० ले अघि बढाए।
खेलको २६ औं मिनेटमा डि मारिया गोल गर्दै टोलीलाई ३-० ले अघि बढाए।
त्यसपछि दोस्रो हाफको ६० औं मिनेटमा केलियन एमबाप्पेले गोल गर्दै टोलीलाई ४-० को सहज जित दिलाए ।
जितसँगै पीएसजीले ३७ खेलबाट ८३ अंक जोडेको छ र शीर्ष स्थानमा १५ अंकको अग्रता बनाएको छ ।पीएसजीले चार खेल अगाबै उपाधि जिति सकेको छ।पराजित मोन्टपेलियरको ३७ खेलबाट ४३ अंक छ र १३ औं स्थानमा छ ।
