काठमाडौं, बैशाख २९
इंग्लिस प्रिमियर लिग फुटबलमा म्यानचेस्टर सिटीले सानदार जित निकालेको छ।बुधबार राति भएको खेलमा सिटीले उल्भ्सलाई उसकै मैदानमा ५-१ गोलले पराजित गरेको हो ।
उल्भ्सको मैदानमा सिटीलाई जित दिलाउन केभिन डे ब्रुइनले चार गोल गरे भने रहिम स्ट्रर्लिङले एक गोल गरे । उल्भ्सका लिएन्डर डेन्डनकरले एक गोल गरे ।
खेलको सातौं मिनेटमा केभिन डे ब्रुइनले गोल गर्दै सिटीलाई सुरुवाती अग्रता दिलाएका थिए।
खेलको ११ औँ मिनेटमा उल्भ्सका लिएन्डर डेन्डनकरले गोल गर्दै खेल १-१ को बराबरीमा फर्काए ।
तर, खेलको १६औँ मिनेटमा ब्रुइनले व्यक्तिगत दोस्रो गोल गर्दै टोलीलाई २-१ ले अघि बढाए।
खेलको २४ औँ मिनेटमा ब्रुइनले ह्याट्रिक गर्दै टोलीलाई ३-१ ले अघि बढाए।
दोस्रो हाफको ६० औँ मिनेटमा ब्रुइनले व्यक्तिगत चौंथो गोल गर्दै टोलीलाई ४-१ ले अघि बढाए।
त्यसपछि खेलको ८४ औँ मिनेटमा रहिम स्ट्रर्लिङले गोल गर्दै सिटीलाई ५-१ को सानदार जित दिलाए ।
जितसंगै सिटीले ३६ खेलबाट ८९ अंक जोडेको छ र शीर्ष स्थानमा छ । पराजित उल्भ्सको ३६ खेलबाट ५० अंक छ र आठौं स्थानमा छ ।
