काठमाडौं, बैशाख २५
इंग्लिस प्रिमियर लिग फुटबलमा लिभरपुल र टोटेनहम बराबरीमा रोकिएका छन् ।आइतबार राति एनफिल्डमा भएको खेलमा लिभरपुल र टोटेनहमले १–१ गोलको बराबरी खेल्दै अंक बाँढेको हो ।
खेलमा लिभरपुलको लागि लुइस डेजले एक गोल गरे भने टोटेनहमका सन हेउङ मिनले एक गोल गरेका थिए।
खेलमा पहिलो अग्रता टोटेनहमले लिएको थियो । खेलको ५६ औं मिनेटमा सन हेउङ मिनले गोल गर्दै टोटेनहमलाई अग्रता दिलाएका थिए।
तर, खेलको ७४ औं मिनेटमा लिभरपुलका लुइस डेजले गोल गर्दै खेल १-१ को बराबरीमा फर्काए र टोलीलाई हारबाट जोगाए ।
बराबरीसँगै लिभरपुलको ३५ खेलबाट ८३ अंक छ र तालिकाको शीर्ष स्थानमा छ। टोटेनहमको ३५ खेलबाट ६२ अंक छ र तालिकाको पाँचौं स्थानमा छ ।
