काठमाडौं, बैशाख १२
इंग्लिस प्रिमियर लिग फुटबलमा लिभरपुलले एभर्टनमाथि जित निकालेको छ । घरेलु मैदानमा आइतबार राति भएको खेलमा लिभरपुलले एभर्टनलाई २–० गोलले पराजित गरेको हो ।
एनफिल्डमा लिभरपुललाई जित दिलाउन एन्ड्रयू रोबर्टसन र डिभोक ओरिजीले एक-एक गोल गरे। लिभरपुलले दुबै गोल दोस्रो हाफमा गरेको हो ।
खेलको ६२ औं मिनेटमा एन्ड्रयू रोबर्टसनले गोल गर्दै लिभरपुललाई सुरुवाती अग्रता दिलाएका थिए ।
त्यसपछि खेलको ८५ औं मिनेटमा डिभोक ओरिजीले गोल गर्दै टोलीलाई २-० को जित दिलाए ।
जितसँगै लिभरपुलले ३३ खेलबाट ७९ अंक जोडेको छ र तालिकाको दोस्रो स्थानमा छ ।पराजित एभर्टनको ३२ खेलबाट २९ अंक छ र तालिकाको १८ औं स्थानमा छ ।
