काठमाडौं, बैशाख ४
इंग्लिस प्रिमियर लिग फुटबलमा म्यानचेस्टर युनाईटेडले नर्विच सिटीमाथि जित निकालेको छ । घरेलु मैदानमा शनिबार राति भएको खेलमा युनाईटेडले नर्विच सिटीलाई ३-२ गोलले पराजित गरेको हो ।
ओल्ड ट्राफोर्डमा युनाईटेडलाई जित दिलाउन क्रिस्टियानो रोनाल्डोले ह्याट्रिक गरे । नर्विच सिटीका किरन डोवेल र टिमु पुक्कीले एक-एक गोल गरे ।
खेलको सातौं मिनेटमा रोनाल्डोले गोल गर्दै युनाईटेडलाई सुरुवाती अग्रता दिलाएका थिए ।
खेलको ३२ औं मिनेटमा रोनाल्डोले व्यक्तिगत दोस्रो गोल गर्दै युनाईटेडलाई २-० ले अघि बढाए ।
पहिलो हाफको इन्जुरी समयमा नर्विच सिटीका किरन डोवेलले गोल गर्दै खेल २-१ को स्थितिमा ल्याए ।
दोस्रो हाफको ५२ औं मिनेटमा नर्विच सिटीका टिमु पुक्कीले गोल गर्दै खेल २-२ को बराबरीमा ल्याए ।
तर,खेलको ७६ औं मिनेटमा रोनाल्डोले गोल गर्दै ह्याट्रिक पूरा गरे र युनाईटेडलाई ३-२ को जित दिलाए ।
जितसँगै युनाईटेडले ३२ खेलबाट ५४ अंक जोडेको छ र तालिकाको पाँचौं स्थानमा छ । पराजित नर्विच सिटीको ३२ खेलबाट २१ अंक छ र पुछारमा छ ।
