आधारभूमि संवाददाता
काठमाडौं, चैत २२
इंग्लिस प्रिमियर लिग फुटबलमा क्रिस्टल प्यालेसले आर्सनलमाथि जित निकालेको छ । घरेलु मैदानमा सोमबार राति भएको खेलमा क्रिस्टल प्यालेसले आर्सनललाई ३–० गोलले पराजित गरेको हो ।
सेलहर्स्ट पार्क स्टेडियममा क्रिस्टल प्यालेसलाई जित दिलाउन जीन-फिलिप माटेटा,जोर्डन आइयू र विल्फ्रेड जाहाले एक-एक गोल गरे ।
खेलको १६ औँ मिनेटमा जीन-फिलिप माटेटाले गोल गर्दे टोलीलाई अग्रता दिलाएका थिए।
खेलको २४ औँ मिनेटमा जोर्डन आइयूले गोल गर्दै टोलीको अग्रता दोब्बर बनाए ।
त्यसपछि दोस्रो हाफको ७४ औँ मिनेटमा विल्फ्रेड जाहाले पेनाल्टीमा गोल गर्दै टोलीलाई ३-० को जित दिलाए ।
जितसंगै क्रिस्टल प्यालेसले ३० खेलबाट ३७ अंक जोडेको छ र नवौं स्थानमा छ। हारपछि पनि आर्सनलको ५४ अंक छ र तालिकाको पाँचौं स्थानमा छ ।
