काठमाडौँ, २० चैत
इंग्लिस प्रिमियर लिग फुटबलमा म्यानचेस्टर सिटीले सहज जित निकालेको छ।शनिबार राति भएको खेलमा सिटीले बर्नलीलाई उसकै मैदानमा २-० गोलले पराजित गरेको हो ।
बर्नलीको मैदानमा सिटीलाई जित दिलाउन केभिन डे ब्रुइन र इल्के गुन्डोगनले एक-एक गोल गरे ।
खेलको पाँचौं मिनेटमा केभिन डे ब्रुइनले गोल गर्दै सिटीलाई सुरुवाती अग्रता दिलाएका थिए।
त्यसपछि खेलको २५ औँ मिनेटमा इल्के गुन्डोगनले गोल गर्दै सिटीलाई २-० को सहज जित दिलाए ।
जितसंगै सिटीले ३० खेलबाट ७३ अंक जोडेको छ र शीर्ष स्थानमा छ । पराजित बर्नलीको २८ खेलबाट २१ अंक छ र १९ औं स्थानमा छ ।
