आधारभूमि संवाददाता
काठमाडौँ, २० चैत
स्पेनिस ला लिगा फुटबलमा शीर्ष स्थानको रियल मड्रिडले १२ अंकको अग्रता बनाएको छ । शनिबार राति भएको खेलमा रियलले सेल्टा भिगोलाई २-१ गोलले पराजित गरेको हो ।
सेल्टा भिगोको मैदानमा रियल मड्रिडलाई जित दिलाउन करिम बेन्जेमाले दुई गोल गरे ।सेल्टा भिगोका नोलिटोले एक गोल गरे ।
खेलको १९ औं मिनेटमा करिम बेन्जेमाले पेनाल्टीमा गोल गर्दै रियललाई सुरुवाती अग्रता दिलाएका थिए।
दोस्रो हाफको ५२ औं मिनेटमा सेल्टा भिगोका नोलिटोलेले गोल गर्दै खेल बराबरीमा फर्काए ।
तर, खेलको ६९ औं मिनेटमा बेन्जेमाले पेनाल्टीमा व्यक्तिगत दोस्रो गोल गर्दै टोलीलाई २-१ को जित दिलाए ।बेन्जेमाले खेलको ६४ औं मिनेटमा पेनाल्टीमा गोल गर्न चुकेका थिए ।
जितसँगै रियलले ३० खेलबाट ६९ अंक जोडेको छ र शीर्ष स्थानमा १२ अंकको अग्रता बनाएको छ ।पराजित सेल्टा भिगोको ३० खेलबाट ३६ अंक छ र ११ औं स्थानमा छ ।
