काठमाडौँ, २० चैत
इंग्लिस प्रिमियर लिग अन्तर्गत शनिबार भएको खेलमा म्यानचेस्टर युनाईटेड लेस्टर सिटीसँग बराबरीमा रोकिएको छ। शनिबार राति घरेलु मैदानमा भएको खेलमा युनाईटेडले लेस्टरसँग १–१ गोलको बराबरी खेल्दै अंक बाँढेको हो ।
ओल्ड ट्राफोर्डमा भएको खेलमा युनाईटेडको लागि फ्रेडले एक गोल गरे भने लेस्टर सिटीको लागि केलेची इहेनाचोले एक गोल गरेका थिए।
खेलमा पहिलो अग्रता लेस्टर सिटीले लिएको थियो । खेलको ६३ औं मिनेटमा केलेची इहेनाचोले गोल गर्दै लेस्टरलाई अग्रता दिलाएका थिए।
तर, खेलको ६६ औं मिनेटमा युनाईटेडका फ्रेडले गोल गर्दै खेल बराबरीमा फर्काए र टोलीलाई हारबाट जोगाए ।
बराबरीसँगै युनाईटेडको ३० खेलबाट ५१ अंक छ र तालिकाको छैटौं स्थानमा छ। लेस्टरको २८ खेलबाट ३७ अंक छ र नवौं स्थानमा छ ।
