आधारभूमि संवाददाता
काठमाडौँ, ३० फागुन
फ्रेन्च लिग वान फुटबलमा शीर्ष स्थानको पेरिस सेन्ट जर्मेन (पीएसजी)ले १५ अंकको अग्रता बनाएको छ । आइतबार राति भएको खेलमा पीएसजीले बोर्डेक्सलाई ३-० गोलले पराजित गरेको हो ।
पीएसजीलाई जित दिलाउन केलियन एमबाप्पे,नेमार र लिआन्ड्रो परेडेसले एक-एक गोल गरे।
खेलको २४ औं मिनेटमा एमबाप्पेले गोल गर्दै टोलीलाई सुरुवाती अग्रता दिलाएका थिए ।
खेलको ५२ औं मिनेटमा नेमारले गोल गर्दै पीएसजीलाई २-० ले अघि बढाए ।
त्यसपछि खेलको ६१ औं मिनेटमा लिआन्ड्रो परेडेसले गोल गर्दै टोलीलाई ३-० को सहज जित दिलाए ।
जितसंगै पीएसजीले २९ खेलबाट ६५ अंक जोडेको छ र शीर्ष स्थानमा १५ अंकको अग्रता बनाएको छ ।पराजित बोर्डेक्सको २२ खेलबाट ३२ अंक छ र पुछारमा छ ।
