काठमाडौ, माघ १३
स्वदेशमा रोजगारीका अवसर नहुँदा विदेसिन बाध्य लाखौं नेपाली युवाको पिडालाई समेटेर तयार पारिएको नयाँ म्युजिक भिडियो तिम्रो याद आयो सार्वजनिक भएको छ । यस म्युजिक भिडियोमा परदेशीको पिडा र मनोभावनालाई मार्मिक तरिकाबाट प्रस्तुत गरिएको छ ।
सविन सुवेदीको सुमधुर स्वरमा सजिएको यस गीतमा शब्द अमेरिकाको ओहायो निवासी गीतकार गोपाल लोहारको शब्द रहेको छ । दिपक शर्माले संगीतवद्ध गरेको यस गीतलाई उदय राज पौडेलले संगीत संयोजन गरेका हुन । भिडियोमा विजय बराल, प्रमिला खनाल र माया पौडेलको जिवन्त अभिनय देख्न सकिन्छ ।
श्याम तामाङले छायाँकन गरेको यस भिडियोलाई विकाश दाहालले सम्पादन गरेका हुन । काजी लिम्बु र श्याम लामाको सयुक्त निर्देशनमा तयार पारिएको यस भिडियोको निर्मात्री भीमा लोहार हुन । गोलो प्रडक्शनको आधिकारिक च्यानल मार्फत भिडियो सार्वजनिक भएको हो ।
