• गृहपृष्ठ
  • इयु नेताहरूसँग राष्ट्रपति बाइडेनको १ घण्टा २० मिनेट छलफल

इयु नेताहरूसँग राष्ट्रपति बाइडेनको १ घण्टा २० मिनेट छलफल

Jan 25th, 2022

वाशिङ्गटन (अमेरिक), ११ माघ, /रासस/एएनआई / स्पुतनिक

युक्रेन सङ्कटबारे छलफल गर्न अमेरिकी राष्ट्रपति जो बाइडेनले युरोपेली नेताहरूसँग १ घण्टा २० मिनेट भिडियो कन्फरेन्समार्फत् छलफल गर्नुभएको ह्वाइट हाउसले जनाएको छ।”युरोपेली नेताहरूसँग राष्ट्रपतिको सुरक्षित भिडियो कल ३:०५ बजे शुरु भएर ४:२५ बजे सकिएको,” प्रेस पुल रिपोर्टले सोमबार साँझ उल्लेख गरेको छ। बैठकमा युरोपेली आयोगका अध्यक्ष उर्सुला भोन डेर लेयन, युरोपेली परिषद्का अध्यक्ष चार्ल्स मिशेल, फ्रान्सका राष्ट्रपति इमानुएल म्याक्रोन, जर्मन चान्सलर ओलाफ स्कोल्ज, इटालीका प्रधानमन्त्री मारियो ड्राघी, नेटोका महासचिव जेन्स स्टोल्टेनबर्ग, पोल्याण्डका राष्ट्रपति एन्ड्रेज डुडा र बेलायतका प्रधानमन्त्री बोरिस सहभागी हुनुहुन्थ्यो ।

रुस र युक्रेन बीचको तनावले सिमाना नजिक सेनाको निर्माणको बीचमा युक्रेनलाई सम्भावित आक्रमणबाट रोक्न थप सैन्य सहायता प्रदान गर्ने सहित युरोपेली सुरक्षा स्थितिमा अमेरिकाको थप संलग्नताको बारेमा छलफल भएको जनाइएको छ।

यता रूसले भने आफूले कुनै देशमा आक्रमण नचाहेको स्पष्ट पारेको छ । त्यसैगरी नाटोलाई चेतावनी दिदै आफ्नो देशको सिमाना नजिकको नाटोका सैन्य गतिविधिहरु राष्ट्रिय सुरक्षाको खतराको रूपमा लिएको जनाएको छ।