आाधारभूमि संवाददाता
काठमाडौं, माघ ७
लिभरपुल काराबाओ कप फुटबलको फाइनलमा प्रवेश गरेको छ।
बिहीबार राति भएको सेमिफाइनलको दोस्रो लेगमा आर्सनललाई २-० गोल अन्तरले पराजित गर्दै समग्रमा २–० को जित निकाल्दै लिभरपुल फाइनलमा प्रवेश गरेको हो।
लिभरपुललाई जित दिलाउन डिएगो जोटाले दुई गोल गरे ।
खेलको १९ औं मिनेटमा जोटाले गोल गर्दै सुरुवाती अग्रता दिलाएका थिए।
त्यसपछि खेलको ७७ औं मिनेटमा जोटाले व्यक्तिगत दोस्रो गोल गर्दै टोलीलाई २-० को जित दिलाए ।
पहिलो लेगमा लिभरपुल र आर्सनलले गोलरहित बराबरी खेलेका थिए ।
जितसँगै लिभरपुल काराबाओ कप फुटबलको फाइनलमा प्रवेश गरेको छ। अब फाइनलमा लिभरपुलले चेल्सीसँग प्रतिस्पर्धा गर्नेछ ।फाइनल फेब्रुअरी २७ मा हुनेछ।
