मोरङ्ग, पुस २०
मोरङ्ग जिल्लाको विराटनगर महानगरपालिका १५ स्थित सीमा ईलाकाबाट पौष १९ गते सशस्त्र प्रहरीले पाँच लाख ३६ हजार नेपाली रुपैयाँ र २ हजार एक सय भारतीय रुपैयाँसहित भारत घर बताउने ५० बर्षिय नन्दलाल बहेतीलाई पक्राउ गरेको छ ।
बि.आर. ३८ एच ०१८२ नम्बरको स्कुटरमा भारतबाट नेपालतर्फ आउँदै गरेका निज बहेतीले उक्त रुपैयाँकोे श्रोत खुलाउन नसकेपछि सशस्त्र प्रहरी बल, नेपाल बोर्डर आउट पोष्ट रानीले पक्राउ गरेको हो ।
पक्राउ परेका बहेतीलाई बरामद रुपैयाँसहित आवश्यक कारवाहीको लागि राजस्व अनुसन्धान कार्यालय ईटहरीमा बुझाईएको छ ।
