काठमाडौ, मंसिर २१
२०२१ नेपालको सबैभन्दा ठूलो उत्पादन कम्पनी मध्य एक युनिलिभर नेपाल लिमिटेड र नेपालको एक गैरनाफामूलक संस्था माईती नेपाल बिच समाजमा मानव बेचबिखन तथा घरेलु हिंशाको सिकार भएका महिलाहरूका निमित्त रोजगारी सिर्जना गर्ने तथा उनीहरूको सामाजिक,आर्थिक र कानुनी क्षमतामा वृद्धि र सुधारका लागि मिलेर काम गर्ने हेतुले सहकार्य भएको छ । यस साझेदारीले उक्त महिलाहरूको दिगो आय सिर्जना गर्ने अवसरहरू प्रदान गर्ने लक्ष्य राखेको छ ।
यी महिलाहरूका निमित्त प्रख्यात ब्रान्डका ब्यूटी पार्लरका साथ साथै एक्स्काभेटर चलाउने, र बिक्री (सेल्स) तालिमका लागि विज्ञहरूको मार्गदर्शनमा गहन प्रशिक्षण कार्यक्रम सञ्चालन गरिनेछ । तालिम अवधिभर उनीहरुलाई माइती नेपालको पुनर्स्थापना केन्द्रमा बस्ने व्यवस्था पनि गरिने छ । महिलाहरूको रोजगारीले आफ्नो, आफ्नो परिवार र समुदायको जीवनस्तरमा सुधार गर्नुका साथसाथै उनीहरूलाई सबै क्षेत्रमा आर्थिक जीवनमा पूर्ण रूपमा सहभागी बनाई बलियो अर्थतन्त्र निर्माण गर्न,विकास तथा दिगोपनका लागि अन्तर्राष्ट्रिय मान्यता प्राप्त लक्ष्यहरू प्राप्त गर्न मद्दत गर्नेछ ।
कार्यक्रमको उद्घाटन अनुराधा कोइराला (माइती नेपालकी संस्थापक) र अम्लान मुखर्जी (युनिलिभर नेपाल लिमिटेडका प्रबन्ध निर्देशक) ले स्थानीय समुदायका विज्ञहरूको गौरवमय उपस्थितिमा ६ डिसेम्बर २०२१ मा माइती नेपालमा गरेका हुन । “हामी यो विश्वास गर्छौ कि हामीले समाजबाट जती पाएका छौँ त्यस भन्दा बढी समाजमा योगदान दिनु सबैको दायित्व हो ।
हामी नेपालको राम्रो भविष्यका लागि महिलाहरूलाई आवश्यक सीपहरू प्रदान गर्दै दीर्घकालीन दिगो यात्रा प्रदान गर्न खोज्छौं जसले अझ निष्पक्ष र सामाजिक रूपमा समावेशी संसारको निर्माणमा योगदान गर्दछ । भविष्यमा पनि यस्तै पहलहरु मार्फत समुदायहरुमा सेवा प्रदान गर्न हामी तत्पर छौँ ।“ युनिलिभर नेपाल लिमिटेडका प्रबन्ध निर्देशक अम्लान मुखर्जीले भने ।
