आधारभूमि संवाददात
काठमाडौँ, ३० असोज
फ्रेन्च लिग वान फुटबलमा पेरिस सेन्ट जर्मेन (पीएसजी)ले पुनरागमन जित निकालेको छ ।शुक्रबार राति भएको खेलमा पीएसजीले एन्जर्सलाई २-१ गोलले पराजित गरेको हो ।
पीएसजीलाई जित दिलाउन डेनिलो परेरा र केलियन एमबाप्पेले एक-एक गोल गरे ।एन्जर्सका एन्जेलो फुलगिनीले एक गोल गरे ।
खेलमा पहिलो अग्रता एन्जर्सले लिएको थियो । खेलको ३६ औं मिनेटमा एन्जर्सका एन्जेलो फुलगिनीले गोल गर्दै टोलीलाई अग्रता दिलाएका थिए।
तर, दोस्रो हाफको ६९ औं मिनेटमा पीएसजीका डेनिलो परेराले गोल गर्दै खेल १-१ को बराबरीमा फर्काए ।
त्यसपछि खेलको ८७ औं मिनेटमा केलियन एमबाप्पेले गोल गर्दै टोलीलाई २-१ को जित दिलाए ।
जितसंगै पीएसजीले १० खेलबाट २७ अंक जोडेको छ र शीर्ष स्थानमा छ । एन्जर्सको नौ खेलबाट १० खेलबाट १६ अंक जोडेको छ र तालिकाको चौथो स्थानमा छ ।
