आधारभूमि संवाददाता
काठमाडौ, २८ असोज
बिहीबार थप ४५५ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ६ हजार २१४ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या आठ लाख चार हजार २७६ पुगेको छ ।
त्यस्तै पछिल्लो २४ घण्टामा पीसीआर विधिबाट ६ हजार २१४ जनाको परीक्षण भएको छ । हालसम्म ४३ लाख दश हजार ३२० जनाको पीसीआर परीक्षण गरिएको छ।
थप ८०४ जना डिस्चार्ज
नेपालमा पछिल्लो २४ घण्टामा ८०४ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या सात लाख ७९ हजार १५६ पुगेको छ ।
थप आठ को मृत्यु
पछिल्लो २४ घण्टामा आठ जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या ११ हजार २६९ पुगेको छ।
