काठमाडौ, असोज २३
“पिउँदिन भन्दा भन्दै पिलायो साथीले “ को अपार सफलता पछि शिव परियारको गायनमा पिउने र पिलाउने श्रङ्खलाको फेरी अर्को गित “पिउन सुरु गरेपछि होस पनि त कहाँ हुन्छ” भन्ने बोलको गीत इम्प्रेसन्स इन्टरटेनमेन्टले बजारमा ल्याएको छ ।
डेलिस ओपेरा बालुवाटारमा एक कार्यक्रमकाबिच काठमाडौँको प्रहरी प्रमुख अशोक सिंहको प्रमुख आतिथ्यमा उक्त गीतको म्युजिक भिडियो मिडिया हबको च्यानलमार्फत रिलिज भएको छ । आफ्नो व्यस्तताकाबिच उपस्थित हुनुभएका काठमाडौँ प्रहरी प्रमुख अशोक सिंहले कार्यक्रममा सहभागी भएकोमा खुसी व्यक्त गर्दै गायक शिव परियार, निर्माता राजु ढुंगेल लगायत सम्पूर्ण टिमलाई बधाई तथा शुभकामना ज्ञापन गर्नुभएको थियो ।
कार्यक्रमको दौरान गायक शिव परियारले पनि गित बनाउँदाको रमाइलो पल सम्झिनुका साथै पुष्प खड्कासंग फेरी काम गर्दाको खुसी व्यक्त गर्नुभएको थियो । साथै, शंकर अधिकारीले गितको प्रसंसा गर्दै नायक, नायिका अनि सम्पूर्ण टिमको प्रसंसा गरेका थिए र नायक पुष्प खड्काले रबिन स्वप्निल गिरीको स्मरण गर्दै सम्पूर्ण टिम अनि नेपालीमा दशैंको शुभकामना व्यक्त गर्नुभएको थियो । मनोरञ्जन उद्योगका सिद्धहस्त नृत्य निर्देशकक विराजग हतराज र छायाँकार हरि हुमागाईको संलग्नतामा अत्यन्त भब्यताका साथ क्लब प्ल्याटिनममा यस गितको छायाङ्कन सम्पन्न भएको थियो । रबिन स्वप्निल गिरीको शब्द तथा दीपकराज विश्वकर्माको संगीत रहेको यस गीतमा नेपाली चलचित्रका लोकप्रिय नायक, पुष्प खड्काका साथमा टिकटक स्टार्स, अन्जली लुइंटेल र आलिया अधिकारीको धमाकेदार डेब्यु प्रस्तुति रहेको छ ।
मिडियाहब प्रा. लि.बाट पहिलो म्युजिक भिडियोकोरूपमा घटस्थापनाका दिन, रिलिज गरिएको यो गितले यसपालिको चाडबाडलाई अझ रोमाञ्चक बनाउने निश्चित छ ।
