काठमाडौ, भदौ ६
पछिल्लो समयको सर्वाधिक सफल डान्सिङ ग्रुप ‘द कार्टुन क्रु’ जुनियर फिचर गायक सचिन रौनियारको ‘माया सरर‘’ गीतको म्युजिक भिडियो सार्वजनिक भएको छ । यसअघिका गीतहरुको सफलतापछि गायक रौनियारले यो गीतको म्युजिक भिडियो सार्वजनिक गरेका हुन । जीतेनको शब्द तथा संगीत रहेको गीतको भिडियोमा कार्टुन क्रुका सरोज अधिकारीको कन्सेप्ट र निर्देशनमा तयार पारिएको हो । भिडियोमा पेम्बा मगरको कोरियोग्राफी, पवन सुश्लिंगको सिनेमाटोग्राफी र सुरोज अधिकारीको सम्पादन रहेको छ ।
द कार्टुन क्रु को च्यानलबाट सार्वजनिक गीतको भिडियो रिलिज भएसंगै युट्युव ट्रेडिङको अग्रस्थान रहेको छ । बिगत तीन दशक देखि नेपाली सांगीतिक क्षेत्रमा सक्रिय गायक सचिन रौनियारको यसअघिका धेरै गीतहरु दर्शकले अत्याधिक रुचाएका छन् ।
