काठमाडौं, असोज २७
नजिकिदै गरेको महान चाड बिजया दशमी र तिहारलाई लक्षित गरेर गीतसंगीत बजारमा आउन थालिसकेका छन् । यसैक्रममा ’तिम्रो प्यारमा छु’ बोलको गीतको म्युजिक भिडियो सार्वजनिक भएको छ ।
प्रेमिल शैलीको यस गीतमा गायक जगदीश समाल र अस्मिता अधिकारीको स्वर रहेको छ । नारायण सुवेदी आभाषले संगीतवद्ध गरेको यस गीतलाई उदयराज पौडेलले यस गीतलाई संगीत संयोजन गरेका हुन् । गोदावारीमा छायांकन गरिएको भिडियोमा नायक आकाश श्रेष्ठ र मोडल निलम चन्दको प्रेम र रोमान्सलाई सुन्दर तरिकालाई प्रस्तुत गरिएको छ । भिडियोमा बुद्ध थापाको छायांकन, विकाश धमलाको सम्पादन रहेको छ । निकेश खड्काको निर्देशनमा भिडियो तयार पारिएको हो ।
ओएस आर डिजिटल मार्फत सार्वजनिक भिडियोले दर्शक स्रोताको मन जित्दै सकारात्मक प्रतिक्रिया प्राप्त गरिरहेको छ ।
