आधारभूमि संवाददाता
काठमाडौ, असोज १९
इंग्लिस प्रिमियर लिग फुटबलमा लिभरपुलले एस्टन भिल्लासँग लज्जास्पद हार ब्यहोरेको छ ।आइतबार राति भएको खेलमा भिल्लासँग लिभरपुल २–७ गोल अन्तरले पराजित भएको हो ।
एस्टन भिल्लालाई जित दिलाउन ओली वाट्किन्सले ह्याट्रिक ,ज्याक ग्रेयलिसले दुई गोल ,जोन म्याकजिन र रोस बार्क्लीले एक एक गोल गरे । लिभरपुलका मोहमद सलाहले दुई गोल फर्काएा थिए ।
खेलमा पहिलो अग्रता एस्टन भिल्लाले लिएको थियो ।खेलको चौंथो मिनेटमै ओली वाट्किन्सले गोल गर्दै भिल्लालाई अग्रता दिलाएका थिए ।२२ औं मिनेटमा वाट्किन्सले व्यक्तिगत दोस्रो गोल गर्दै टोलीलाई २-० को अग्रता दिलाए । ३३ औं मिनेटमा मोहमद सलाहले गोल गर्दै लिभरपुललाई २-१ को अवस्थामा पुर्याए ।३३ औं मिनेटमा जोन म्याकजिनले गोल गर्दै टोलीलाई ३–१ ले अघि बढाए। ओली वाट्किन्सले ३९ औं मिनेटमा ह्याट्रिक पुरा गर्दै टोलीलाई पहिलो हाफमा ४-१ को अग्रता दिलाए ।
दोस्रो हाफको ५५ औं मिनेटमा रोस बार्क्लीले गोल गर्दै टोलीलाई ५-१ को अग्रता दिलाए । सलाहले ६० औं मिनेटमा व्यक्तिगत दोस्रो गोल गर्दै लिभरपुललाई ५-२ को अवस्थामा पुर्याए ।
खेलको ६६औं मिनेटमा ग्रेयलिसले एक गोल गरे र ७५ औं मिनेटमा व्यक्तिगत दोस्रो गोल गर्दै टोलीलाई सानदार जित दिलाए ।
लिभरपुलले एउटा खेलमा सात गोल खाएको सन् १९६३ पछि पछि पहिलो पटक हो भने सन् २०१९ को जनवरीपछि लिभरपुलको यो चौथो हार हो ।
जितसँगै एस्टन भिल्लाले ३ खेलबाट ९ अंक जोडेको छ र तालिकाको दोस्रो स्थानमा उक्लिएको छ । पराजित लिभरपुलको ४ खेलबाट ९ अंक छ र तालिकाको पाँचौ स्थानमा रहेको छ ।
